سه‌مای شـیـڤا

 ده‌ركه‌وته‌ی عیرفانی هونه‌ر و فه‌لسه‌فه‌

نوسینی: برزۆ قادری

وه‌رگێڕانی: د. محمد احمد

هاوسه‌نگی و جوانی و هه‌ماهه‌نگی ئاسمانی، "بوون"، شتێكی جیانه‌بۆوه‌ی ده‌ركه‌وته‌ی خواوه‌ندییه‌. پانتایی سه‌رسوڕهێنه‌ری ده‌ركه‌وتنه‌كانی خواوه‌ندی هه‌میشه‌ مه‌یدانی نمایشی دوو لایه‌نی ڕه‌سه‌نی هێزی كه‌ونی واتا "به‌دیهاتن" و "له‌ناوچوون" بووه‌، كه‌ له‌ كه‌لتوور و فه‌رهه‌نگه‌ مه‌عنه‌وییه‌كان به‌ ناو و سومبولی تایبه‌ت ئاماژه‌ی پێكراوه‌.

پیرۆزبایی

به‌بۆنه‌ی یادی دامه‌زراندنی كۆمه‌ڵه‌ی یۆگا له‌ كوردستان و به‌رده‌وام بوونی بۆ ماوه‌ی 11 ساڵ ، پیرۆزبایی له‌ هه‌موو ئه‌ندامان و لێپرسراوانی ئه‌و كۆمه‌ڵه‌یه‌ ده‌كه‌م و هیوادارم ئه‌و ڕێگه‌یه‌ی ئێمه‌ ده‌ستمان پێكرد بۆ بڵاوكردنه‌وه‌ و پڕاكتیزه‌ی یۆگا له‌ كوردستان ئه‌ندامانی كۆمه‌ڵه‌ بتوانین جوانتر و باشتر درێژه‌ی پێ بده‌ن و به‌ڕاستی و بێ ماندووبوون شان بده‌نه‌ به‌ر ئه‌و لێپرسراوێتیه‌ قورسه‌ كه‌ خزمه‌تكردنی ده‌روون و ڕۆح و جه‌سته‌ی خه‌ڵكیه‌. دیسان پیرۆزباییه‌كی گه‌رمتان لێده‌كه‌م و هیوادارم هه‌ر به‌رده‌وام بن.
 هاوبیر كامه‌ران- مامۆستای یۆگا

یادی یانزه‌ ساڵه‌ی دامه‌زراندنی كۆمه‌ڵه‌ی یۆگا له‌ كوردستان

له‌ 1/8/1999 و یانزه‌ ساڵ له‌مه‌وبه‌ر له‌سه‌ر ده‌ستی چه‌ند كه‌سێكی خۆبه‌خش و ئاشق به‌ یۆگا، یه‌كه‌مین كۆمه‌ڵه‌ی یۆگا له‌ژێر ناوی (كۆمه‌ڵه‌ی هونه‌ری یۆگا) له‌ كوردستان دامه‌زرا كه‌ له‌ ساڵی 2010 ناوه‌كه‌ی گۆردرا به‌ (كۆمه‌ڵه‌ی یۆگا له‌ كوردستان)و له‌و كاته‌وه‌ تا ئێستا یه‌كه‌مین و ته‌نها كۆمه‌ڵه‌یه‌كی ئه‌كادیمی و یاسایی یۆگایه‌ له‌ هه‌موو عێراق و كوردستاندا بۆ بڵاوكردنه‌وه‌و وتنه‌وه‌و پراكتیزه‌كردنی یۆگا.