جاپا یۆگا
1.    له‌م زه‌مه‌نی كالیه‌دا جاپایۆگا ئاسانترین ڕێگه‌یه‌ بۆ به‌رجه‌سته‌بوونی خوداوه‌ند.
2.    جاپا : دووباره‌ كردنه‌وه‌ی ناوی خودایه‌ (مانترایه‌) له‌گه‌ڵ Bhava  بهاڤا و هه‌ست پێكردنێتی .
3.    جاپا : گومان وگومرای ده‌رون لاده‌بات ، گوناه له‌ناو ده‌بات  و پاكییه‌ك ده‌هێنێت كه‌ یه‌ك ده‌گرێت له‌گه‌ڵ خوداوه‌ندا .
هه‌موو ناوێكی خواوه‌ند هه‌تا ناكۆتا هێزی تێدایه‌ ، هه‌روه‌كو چۆن ئاگر سیفه‌تی ئه‌وه‌ی هه‌یه‌ هه‌موو شتێك بسوتێنێ‌، ناوی خداوه‌ندیش توانای ئه‌وه‌ی هه‌یه‌ هه‌موو گه‌ناهه‌كان  و  ئاره‌زوه‌كان بسوتێنێ‌ .
ئه‌وه‌ ناوی خودایه‌ كه‌ شیرینتره‌ له‌ هه‌موو شته‌ شیرینه‌كان ، گونجاوتره‌ له‌ هه‌موو شته‌ باشه‌كان ، و پاكتره‌ له‌ هه‌موو شته‌ پاكه‌كان .
ناوی خوداوه‌ند هه‌ر وه‌كو به‌له‌مێك وایه‌ بۆ ئه‌وه‌ی سامسارای Samsara پێ ببڕیت ، وه‌كو چه‌كێك وایه‌ بۆ له‌ناو بردنی بیركردنه‌وه‌ .  
دووباره‌كردنه‌وه‌ی مانتراكان جار به‌ جار هێزێكی ڕۆحی گه‌وره‌ دروست ده‌كات،  وه‌ هێزێكی پاڵنه‌ری به‌هێزه‌ بۆ ساماسكارای ڕۆحی و ئینتیباعه‌كان..
Mananaat Trayate iti Mantrah : به‌ Manana  (بیركردنه‌وه‌یه‌كی نه‌گۆڕ یان هه‌موو بیرهاتنه‌وه‌كان)، مانترایه‌ كه‌ ده‌ربازت ده‌كات له‌ ئه‌ڵقه‌ی مردن و له‌ دایك  بوونه‌وه‌ ..
 دووباره‌ كردنه‌وه‌ی مانترا ئه‌بێته‌ هۆی دروست بونی له‌رینه‌وه‌ ، وه‌ له‌رینه‌وه‌كانیش ده‌بنه‌ هۆی دروست بونی شێوه‌ی زانراو، نموونه‌ : *دووباره‌ كردنه‌وه‌ی  Om Namah Sivaya  ده‌بێته‌ هۆی په‌یدابوونی شێوه‌ی خواوه‌ند شیڤا Lord Siva له‌ مێشكدا.
       *دووباره‌ كردنه‌وه‌ی Om Namo Narayanaya ده‌بێته‌ هۆی په‌یدابونی شێوه‌ی خوداوه‌ند هاری Lord Hari .
 مه‌زنی ناوی خوداوه‌ند ناتوانرێت جێگیر بكرێت له‌ رێگه‌ی بیركردنه‌وه‌ و عه‌قلانیه‌ته‌وه‌، ته‌نها له‌رێگه‌ی پاكبونه‌وه‌وه‌ ئه‌توانرێت به‌رجه‌سته‌ بكرێت به‌ دڵنیاییه‌وه‌ یان هه‌ستی پێ بكرێت ، ئیمان هێنان  و دوباره‌ كردنه‌وه‌ی ناوه‌كانی به‌ به‌رده‌وامی..
جاپا سێ شێوه‌ی هه‌یه‌ : * ماناسیك Manasic: له‌ مێشكی خۆتدا.                                         * هه‌مین Humming: بۆڵه‌بۆڵ.                                                    * ڤایكاری Vaikhari: به‌رزو بیستراو.
 ماناسیك جاپا دووباره‌ كردنه‌وه‌ له‌ مێشكی خۆتدا باشتره‌ له‌ له‌ ڤایكاری جاپا.
 كاتژمێر چواریی به‌یانی له‌خه‌و هه‌سته‌ بۆ ماوه‌ی دوو كاتژمێر جاپا بكه‌ گونجاوترین جاپا (بره‌هما موهورتا) یه‌ بۆ چاودێری ..
پێش ئه‌وه‌ی جاپا بكه‌ییت ئه‌گه‌ر نه‌تتوانی خۆت بشۆیت، ده‌ستت بشۆ، قاچت بشۆ ، ده‌مووچاوت بشۆ ..
 ئاراسته‌ی دانیشتنت له‌ جاپادا ڕوه‌و باكور  یان ڕۆژهه‌ڵات  بێت چونكه‌ ئه‌مه‌ كاریگه‌ری جاپاكه‌ت به‌هێز ده‌كات ..
گیای گۆشا یان پێستی ئاسك یان به‌ره‌یه‌ك یان پارچه‌یه‌ك قوماش دابخه‌و له‌سه‌ری دابنیشه‌ له‌ كاتی جاپادا، ئه‌مه‌ كاره‌بای له‌شی ئینسان ده‌هێڵێته‌وه‌..
 عیباده‌ت بكه‌ پێش ئه‌وه‌ی جاپا بكه‌یت ..




















 دابنیشه‌ له‌ شێوه‌ی ئاسانا- جاپادا به‌بێ‌ جوڵه‌، واته‌ ئاسانایه‌ك كه‌ بتوانیت بۆ ماوه‌ی سێ‌ كاتژمێر بمێنیته‌وه‌، پادماسانا  سیدها یان  سوكهاسانا ..
    كاتێك كه‌ مانتڕا دووباره‌ ده‌كه‌یته‌وه‌، هه‌یتێكت ده‌ست ده‌كه‌وێت  یان  بیركردنه‌وه‌یه‌كت بۆ دێت كه‌ خوداوه‌ند ده‌یچێنێت  له‌ناو دڵتدا، ساتڤا (Sattva) یان پاكی دێت له‌ خوداوه‌ بۆ هۆش و ده‌رونت، هه‌ر بۆیه‌ مانترا پاكی ده‌كاته‌وه‌ دڵت  و له‌ناوی ده‌بات ئاره‌زو و حه‌زه‌  و بیركردنه‌وه‌ خراپه‌كان..
  كاتێك كه‌ جاپا ده‌كه‌یت نابێت خێرا ئه‌نجامی بده‌یت، وه‌كو وابێت ناچار كرابیت كه‌ ئیشێك به‌ ئه‌نجام بگه‌یه‌نیت، ده‌بێت جاپا به‌هێواشی و ئاگاییه‌وه‌ (Bhava) ئه‌نجام بدرێت، به‌ بیرو هۆشێكی چالاكه‌وه‌ و به‌ بیرێكی ساده‌ و پاكه‌وه‌ ..
 مانتراكان بڵێره‌وه‌ وه‌كو خۆی به‌ ڕونی و به‌بێ‌ هه‌ڵه‌ و نابێت زۆر به‌خێرای یان به‌ هێواشی دووباره‌ بكرێته‌وه‌ ..
 كاتێك له‌گه‌ڵ مانترادا ته‌زبیحات ده‌كه‌یت په‌نجه‌ی ناوه‌ڕاست به‌كاربهێنه‌ بۆ گوێزانه‌وه‌ی ده‌نكی ته‌زبیحه‌كه‌، په‌نجه‌ گه‌وره‌ و پنجه‌ی ئه‌ڵقه‌ به‌كار بهێنه‌ بۆ هه‌ڵگرتنی ته‌زبیحه‌كه‌، كه‌ سه‌رێك ته‌واو بویت نابێت به‌سه‌ر میرا (Mera)دا بڕۆیت، ده‌بێت بگه‌ڕێیته‌وه‌  و ده‌ستت ده‌بێت به‌ پارچه‌یه‌ك قوماش داپۆشرابێت ..
 توندو تیژبه‌ له‌گه‌ڵ خۆتدا، ئاگادار كه‌ره‌وه‌یه‌ك دابنێ‌ كه‌ ئاگادارت كاته‌وه‌ كه‌ كاتی جاپایه‌، وه‌ نه‌هێڵیت خه‌و به‌سه‌رتا زاڵ ببێت ..
 بڕیار بده‌ له‌ دیاریكردنی چه‌ند جار ته‌زبیحات (Malas) بكه‌یت، پێش ئه‌وه‌ی دانیشیت بۆ جاپا ..
  Mala مالا هانده‌رێكی خێرایه‌ هاندانی بیرو هۆش به‌ره‌و خوداوه‌ند ..
هه‌ندێ‌ جار ده‌توانیت جاپا به‌ كات بكه‌یت، واته‌ ده‌توانیت جاپا ئه‌نجام بده‌یت به‌بێ‌ ته‌زبیحات ..
 چاودێریكردن له‌گه‌ڵ جاپادا (Japa-Sahita-Dhyana), ورده‌ ورده‌ جاپا به‌ره‌و كۆتایی ده‌ڕوات و ته‌نها چاودێریكردن ده‌مێنێته‌وه‌ (Japa-Rahita-Dhyana).
 جاپا له‌ ڕۆژێكدا له‌ چوار كاتدا ده‌كرێت : به‌یانیان زوو-نیوه‌ڕوان-ئێواران-شه‌وان.
 شوێنكه‌وته‌كانی خواوه‌ند (Vishnu) پێویسته‌ (Om Namo Narayanaya) دووباره‌ بكه‌نه‌وه‌.
       شوێنكه‌وته‌كانی خواوه‌ند (Siva) پێویسته‌ (Om Namah Sivaya) دووباره‌ بكه‌نه‌وه‌، شوێنكه‌وته‌كانی خواوه‌ند (Krishna) پێویسته‌ (Om Namo Bhagavate Vasudevaya) دووباره‌ بكه‌نه‌وه‌، شوێنكه‌وته‌كانی خواوه‌ند (Rama) پێویسته‌ (Om Sri Ramaya Namah یان Om Sri Ram Jaya Ram Jaya Jaya Ram) دووباره‌ بكه‌نه‌وه‌، شوێنكه‌وته‌كانی خواوه‌ند (Devi) پێویسته‌ ( Gayatri Mantra یان Durga Mantra) دووباره‌ بكه‌نه‌وه‌ ..
 باشتره‌ به‌ ته‌نها یه‌ك جۆر مانترا دووباره‌ بكه‌یته‌وه‌ ..
     به‌ڕێكوپێكی ساداناجاپا ئه‌نجامدان بنچینه‌یه‌، واتا هه‌موو ڕۆژێك له‌ هه‌مان كات و شوێندا دابنیشه‌ بۆ جاپا ..
 Purascharana : دووباره‌كردنه‌وه‌ی مانترای Akshara-Laksha یه‌ كه‌یه‌ك له‌خ (lakh)ی كاتێكی ده‌وێت بۆ دوباره‌ كردنه‌وه‌ی هه‌ر پیتێك .
 جاپا پێویسته‌ وه‌كو خویه‌ك وابێت، ته‌نانه‌ت له‌ خه‌ویشدا پێویسته‌ تۆ جاپا بكه‌یت ..
 جاپا یۆگا ئاسانترین و سه‌لامه‌تترین و مسۆگه‌رترین و هه‌رزانترین ڕێگه‌یه‌ بۆ به‌رجه‌سته‌بونی خوداوه‌ند و په‌یوه‌ست بوون  پێیه‌وه‌، زیاتر په‌یوه‌ست بوون به‌ ناوه‌كانییه‌وه‌ .
 ئه‌ی مرۆڤ په‌نا ببه‌ بۆ ناوه‌كانی چونكه‌ ناوه‌كانی و خۆی هیچ جیاوازییه‌كیان نییه‌.

بۆچوونه‌کان

بۆچوونی نوێ بنوسه‌

!joomlacomment 4.0 Copyright (C) 2009 Compojoom.com . All rights reserved."