شات كارما یاخود شات كریا، كۆمه‌ڵه‌یه‌كه‌ كه‌ پێكدێت له‌ شه‌ش ته‌كنیك، به‌شێك له‌م ته‌كنیكانه‌ وه‌كو (پانچاكارما) له‌ پزیشكی ئایورڤیدا به‌مه‌به‌ستی گۆڕانكاری له‌سه‌ر جه‌سته‌و له‌شساغی ته‌واو فێری خه‌ڵكی ده‌كرێت.
ئه‌م ته‌كنیكانه‌ په‌یوه‌ستن به‌جه‌سته‌ی یۆگیه‌وه‌ (كه‌ پێكدێت له‌ئه‌ندامه‌ هه‌سته‌وه‌ره‌كانی وه‌كو چاوه‌كان، گوێچكه‌كان، پێست، لوت و زمان. هه‌روه‌ها ئه‌ندامه‌كانی تری وه‌كو ریخۆڵه‌كان، گه‌ده‌ و گورچیله‌كان و...). ئه‌م راهێنانانه‌ جگه‌ له‌دروستكردنی هارمۆنی له‌ (دۆشا)كاندا*  ده‌بنه‌ هۆی ئه‌وه‌ی یۆگی ده‌ركێكی قوڵ په‌یدا بكات سه‌باره‌ت به‌جه‌سته‌ی مادی و په‌یوه‌ندی ئه‌و له‌گه‌ڵ جه‌سته‌ی وزه‌یی.  
   ئه‌م شه‌ش ته‌كنیكه‌ كار ده‌كه‌نه‌ سه‌ر شه‌ش چاكرا (جگه‌ له‌ ساهسرارا) و یۆگی له‌گه‌ڵ لایه‌نی به‌رامبه‌ر ئه‌م هه‌مباره‌ موگناتیسیانه‌ (چاكراكان) له‌ جه‌سته‌ی ماددیدا ئاشنا ده‌كات و له‌ ده‌ره‌نجامدا هاوئاهه‌نگی و په‌یوه‌ندی نێوان جه‌سته‌گه‌لی زه‌ریفی وجود بۆ یۆگی ئاشكرا ده‌كات .
راهێنانه‌كانی شاتكریا بریتین له‌ :
نیتی (شتنی لووت به‌ ئاوو خوێ یان شتنی لووت به‌ په‌تی تایبه‌تی).
دائوتی (شتنی گه‌ده‌ به‌ ئاوو خوێ یان به‌ په‌رۆیه‌كی تایبه‌ت).
كاپالابهاتی (شتنی سیه‌كان به‌راهێنانی هه‌ناسه‌).
تراتاكا (شتنی چاوه‌كان به‌ راهێنانی ته‌ركیز).
شانكپراكشالانا (شتنی ریخۆڵه‌كان به‌ ئاوو خوێ).
باستی (شتنی ریخۆڵه‌ ئه‌ستووره‌ به‌ ئاووخوێ).

-------------

* Dosha  طبع.

بۆچوونه‌کان

بۆچوونی نوێ بنوسه‌

!joomlacomment 4.0 Copyright (C) 2009 Compojoom.com . All rights reserved."